About kjartan

This author has not yet filled in any details.
So far kjartan has created 99 blog entries.

Geislavarnir ríkisins vilja ráða geislafræðing til starfa

Við leitum að einstaklingi sem fellur vel inn í samhentan hóp starfsmanna, sýnir frumkvæði og á gott með að vinna sjálfstætt.Stofnunin okkar er lítil og hjá okkur ríkir góður starfsandi. Við bjóðum upp á góða starfsaðstöðu og hvetjandi starfsumhverfi á fámennum vinnustað með flatt skipurit. Starfið býður upp á möguleika til starfsþróunar og þátttöku í norrænum og alþjóðlegum verkefnum.

2017-08-18T13:58:58+00:00 18.08.2017|Efnistök: , , |0 Comments

Ljósabekkir og lýðheilsa

Í nýrri skýrslu Alþjóða heilbrigðismálastofnunarinnar (WHO) segir að notkun ljósabekkja til sólbaða í fegrunarskyni undanfarna áratugi hafi valdið aukinni tíðni húðkrabbameina. Einnig hefur aldur þeirra sem fá slík krabbamein í fyrsta sinn lækkað. Notkun ljósabekkja er talin valda meira en 10 þúsund tilfellum af sortuæxlum árlega og meira en 450 þúsund tilfellum af öðrum húðkrabbameinum í Bandaríkjunum, Evrópu og Ástralíu samanlagt. Skaðleg áhrif ljósabekkja eru þannig vel þekkt og því er nauðsynlegt að takmarka notkun þeirra sem mest.

2017-07-04T11:20:51+00:00 04.07.2017|Efnistök: , , , , , |0 Comments

Geislavarnir eru fyrirmyndarstofnun 2017

Niðurstöður úr könnuninni Stofnun ársins 2017 voru nýlega kynntar. Geislavarnir ríkisins eru þess heiðurs aðnjótandi að vera í hópi þeirra stofnana þar sem starfsánægja starfsmanna er hvað mest. Stofnunin var valin í hóp Fyrirmyndastofnana 2017 og lenti auk þess í þriðja sæti í flokki minni stofnana í könnuninni.

2017-05-18T12:12:47+00:00 18.05.2017|0 Comments

Kynning Íslands á rýnifundi um kjarnöryggi

Nú stendur yfir 7. rýnifundur alþjóðasáttmála um kjarnöryggi (Convention on Nuclear Safety, CNS) í höfuðstöðvum IAEA. Á reglulegum rýnifundum er m.a. farið í saumana á því hvernig aðildarríki sáttmálans, sem nú eru 80 talsins, uppfylla skilyrði hans. Fulltrúi Geislavarna ríkisins í sendinefnd Íslands á fundinum flutti í gær kynningu á stöðu Íslands í þessum efnum þar sem m.a. er tekið tillit til viðbragða annarra ríkja við skýrslu þeirri sem Ísland lagði fram sl. haust.

2017-03-31T14:00:20+00:00 30.03.2017|Efnistök: , , , , |0 Comments

Geislavirkt joð í Evrópu

Geislavirka efnið I-131 (Joð-131) hefur mælst í andrúmslofti á nokkrum stöðum í Evrópu undanfarnar vikur. Geislavarnir ríkisins annast mælingar á geislavirkum efnum í andrúmslofti á Íslandi og eru í samstarfi við erlenda aðila um miðlun niðurstaðna slíkra mælinga, en ekkert I-131 hefur mælst hér á landi.

2017-03-10T16:08:06+00:00 10.03.2017|Efnistök: , , , |0 Comments

Meðalgeislaálag í tölvusneiðmyndum

Á vef Geislavarna ríkisins hafa nú verið birtar tvær nýjar síður sem sýna meðalgeislaskammta í tölvusneiðmyndarannsóknum á nokkrum stöðum á Íslandi, samanborið við landsviðmið sem nágrannalönd okkar hafa gefið út. Markmiðið með því að birta þessar upplýsingar er að veita endurgjöf til þeirra sem sent hafa GR geislaskammtaupplýsingar og að hvetja fagfólk í myndgreiningu til að bera meðalgeislaskammta hjá sér saman við meðalgeislaskammta annars staðar.

Gammastöðvar á gagnvirku Evrópukorti

Gögn frá síritandi gammamælum á Íslandi eru nú aðgengileg á endurbættu og einfölduðu korti EURDEP kerfisins, en það veitir aðgang að gögnum frá gammamælistöðvum víðsvegar um Evrópu og raunar víðar. Kortið er gagnvirkt þannig að með aðdrætti má auka upplausn. Ef smellt er á mælistöð birtast nánari gögn fyrir þann stað. Einnig má smella á tiltekið land af lista og fá þannig frekara yfirlit yfir mælikerfi hvers lands.

2017-01-26T12:29:47+00:00 26.01.2017|Efnistök: , , |0 Comments

Óhapp við kjarnaofn í Halden í Noregi

Greint hefur verið frá því að óhapp hafi átt sér stað í gær (24.10.2016) við meðferð eldsneytis við kjarnaofn sem notaður er við rannsóknir hjá norsku Orkurannsóknastofnuninni (Institutt for energiteknikk, IFE) í Halden í Noregi. Örlítið af geislavirku joði (I-131 og I-132) barst um bygginguna sem hýsir lítinn rannsóknaofn sem þar er starfræktur og hluti

2016-10-25T15:57:25+00:00 25.10.2016|0 Comments
Sækja fleiri fréttir