Styrkur náttúrulegra geislavirkra efna í neysluvatni á Reykjanesi er mjög lítill.

3209020242_7d22514bb5_oHeilbrigðiseftirlit Suðunesja óskaði þann 22. september álits Geislavarna ríkisins á því hvort hætta sé á að neysluvatn úr vatnsbóli í grennd við Reykjanesvirkjun sé geislavirkt umfram það sem eðlilegt getur talist.

Í svari Geislavarna sem dagsett er 25. september segir:

„ Á árunum 2003 – 2004 fóru fram mælingar á náttúrulegum geislavirkun efnum efnum (radon) í tugum vatnssýna víðsvegar af landinu þar á meðal frá Vatnsveitu Reykjaness. Mælingarnar, sem voru samstarfsverkefni Háskóla Íslands, Háskólans á Akureyri og Umhverfisstofnunar sýndu að mjög lítið er af náttúrulegum geislavirkum efnum í vatni á Íslandi miðað við önnur lönd en það stafar af því að hve ungur og basaltríkur bergrunnurinn hér er. Styrkur radons mældist nánast alltaf undir 5 Bq/l og í  tveimur sýnum sem tekin voru úr vatnsbóli Suðurnesjamanna í Lágum mældist styrkur radons 0.5 og 0.7 Bq/l.

Eins og fram kemur í meðfylgjandi minnisblaði frá ÍSOR minnisblaði frá ÍSOR ( Íslenskum Orkurannsóknum ) dagsettu 23. september þá tóku starfsmenn ISOR vatnssýni þann 22. september, á nokkrum stöðum þar á meðal úr vatnsbóli Suðurnesjamanna í Lágum og freskvatnsholu austan undir Sýrfelli þaðan sem neysluvatn Reykjanesvirkjunar er tekið.  Styrkur náttúrulegra geislavirkra efna (radon) var mældur í sýnunum. Þetta var gert að beiðni HS Orku. Styrkur radons mældist mjög lítll.  Í grunnvatni úr vatnsbóli í Lágum mældist styrkur radons um 0.1 Bq/l og úr neysluvatnsholu Reykjanesvirkjunar um 0.2 Bq/l.

Til samanburðar má geta þess að algengur styrkur radons í grunnvatni í Svíþjóð er 10 – 300 Bq/l en það stafar af því hve gamall og granítríkur bergrunnurinn þar er. Viðmið í Svíþjóð eru 100 Bq/l fyrir opinberar vatnsveitur í samræmi við viðmið ESB frá 2001 ( 2001/928/Euratom) og 1000 Bq/l fyrir einkavatnsveitur.

Með vísan til ofanskráðs þá er það mat Geislavarna ríkisins að neysluvatn úr vatnsbóli Suðurnesjamanna í Lágum og úr vatnsbóli austan undir Sýrfelli innihaldi mjög lítið af náttúrulegum geislavirkum efnum og ekki umfram það sem eðlilegt getur talist. „

2016-11-04T07:23:55+00:00 25.09.2015|Efnistök: , , |Slökkt á athugasemdum við Styrkur náttúrulegra geislavirkra efna í neysluvatni á Reykjanesi er mjög lítill.