Mælingar á ójónandi geislun

Geislavarnir ríkisins eiga eftirtalinn mælibúnað til að mæla ójónandi geislun:

NARDA ELT 400 sem mælir segulsvið frá 1-400 kHz. Hann er meðal annars hentugur til að mæla segulsvið frá spennistöðvum og frá rafkerfi í heimahúsum.

NARDA NBM 520  með EF nema sem mælir rafsvið frá 100 kHz til 6 GHz. Hann er meðal annars hentugur til mælinga á sendingum frá farsímasendum.

Ofantaldir mælar eru sendir reglulega í kvörðun erlendis.

Samkvæmt gjaldskrá sem ráðuneyti setur (2016) skal stofnunin innheimta gjald fyrir mælingar á rafsegulsvið að upphæð kr. 24.805 fyrir allt að 8 mælingar á sama stað. Fyrir hverja mælingu þar til viðbótar á sama stað skal innheimta kr. 2.728.

Aðrir mælar eru:

  • Mælir til að mæla geislun í ljósabekkjum.
  • Mælir til að mæla styrk leysa.
  • Mælir til að mæla rafsvið á lágum tíðnum.
  • Mælir á þaki Geislavarna sem fylgist með útfjólublárri geislun.
2016-12-08T16:57:04+00:00 08.12.2016|0 Comments