Frá árinu 2004 hefur notkun Íslendinga á ljósabekkjum verið könnuð árlega með síma- og netkönnunum. Í fyrra og á þessu ári var miðað við 18 ára og eldri í þessum könnunum en áður var miðað við 16 ára aldur. 11% aðspurðra segjast núna nota ljósabekki sem er mikil breyting frá árinu 2004 þegar þetta hlutfall var 30%. 

Niðurstöður úr könnunum undanfarinna ára koma fram á þessari mynd: 

Hlutfall Íslendinga sem fóru í ljósabekk síðustu 12 mánuði

 

Hlutfall Íslendinga sem fóru í ljósabekk síðustu 12 mánuði

Í þessari könnun var ennfremur spurt hvort viðkomandi hefði brunnið af völdum sólar eða ljósabekkja á síðastliðnum 12 mánuðum. Með bruna er átt við að roði myndist á húð ásamt því að sviði sé til staðar. 73% þeirra sem svöruðu höfðu ekki brunnið sem er nokkuð há tala í samanburði við tölur í erlendum rannsóknum og tengist e.t.v. því hve útfjólublá geislun var lítil í sumar vegna skýjafars. Lesa má eldri frétt um það hér.