Með vorinu hækkar sól á lofti og eykst þá styrkur útfjólublárrar geislunar frá sólu. Því er rétt að minna fólk á að varast að hafa húðina óvarða úti í sólinni lengur en í skamma stund. Við minnum sérstaklega á börnin í þessu sambandi en sólbruni veldur húðskemmdum sem geta leitt til húðkrabbameins síðar á ævinni.
Geislavarnir ríkisins óska eftir að ráða sérfræðing til starfa við stofnunina. Um er að ræða fjölbreytt starf sem felur einkum í sér verkefni vegna læknisfræðilegrar notkunar jónandi geislunar. Starfið getur einnig að hluta falið í sér vinnu við aðra verkefnaflokka stofnunarinnar, eftir áhuga og þekkingu starfsmanns.
Á ráðherrafundi Norðurskautsráðsins sem nú stendur yfir í Reykjavík er m.a. starf sérfræðingahóps AMAP kynnt fundargestum. AMAP stendur fyrir Arctic Monitoring and Assessment Programme, en Geislavarnir hafa um árabil átt fulltrúa í þeim hópi og m.a. lagt fram vöktunargögn sem stofnunin aflar. Meðal afurða hópsins eru matsskýrslur um ástand náttúru á Norðurslóðum og nú er í fullum gangi vinna við öflun og greiningu gagna fyrir nýja matsskýrslu sem gefin verður út árið 2023.
Ætla má að óvenju margir séu útivið þessa dagana, ekki síst þeir fjölmörgu sem ganga að gosstöðvum á Reykjanesi. Rétt er að minna fólk á að varast að hafa húðina óvarða úti í sólinni lengur en í skamma stund. Á vef Geislavarna ríkisins má fylgjast með því hvernig svokallaður UV-stuðull fer nú hækkandi með hverjum degi hér á landi.
Geislavarnir ríkisins hafa gefið út skýrslu um mælingar á rafsegulsviði við spennistöðvar í þéttbýli. Sumir hafa áhyggjur af nábýli við spennistöðvar og sumarið 2020 gerðu Geislavarnir tímabundið átak í því að fjölga enn mælingum við spennistöðvar til að auka heildaryfirsýn. Í skýrslunni er lýst aðferð, mæibúnaði og mæligildum sem fengust. Niðurstöður mælinganna benda til þess að spennistöðvar valdi engri eða mjög lítilli hækkun á styrk segulsviðs í íbúðarhúsnæði, sé það staðsett í að lágmarki nokkurra metra fjarlægð frá spennistöð, enda lækkar styrkur rafsegulsviðsins hratt með fjarlægð.
Heilbrigðisráðherra hefur sett nýja reglugerð nr. 171/2021 sem kveður á um innflutning og notkun leysa, leysibenda og IPL-tækja. Með nýju reglugerðinni eru settar skýrar kröfur um menntun þeirra sem heimilt er að nota þessi tæki, meðal annars við fegrunaraðgerðir. Enn fremur er skýrt kveðið á um aðkomu og ábyrgð læknis, hvort sem um er að ræða læknisfræðilega notkun þessara tækja eða notkun þeirra í fegrunarskyni.
Geislavarnir ríkisins hafa nýlokið talningu á fjölda ljósabekkja sem almenningi er seldur aðgangur að. Lítilleg aukning hefur orðið á heildarfjölda ljósabekkja frá síðustu talningu sem fór fram árið 2017. Geislavarnir ráða fólki eindregið frá því að nota ljósabekki enda fylgir notkun þeirra aukin hætta á húðkrabbameini.
Geislavarnir ríkisins óska eftir að ráða sérfræðing til starfa við stofnunina. Um er að ræða fjölbreytt starf sem felur einkum í sér verkefni vegna læknisfræðilegrar notkunar jónandi geislunar.
Hlutfall fullorðinna sem höfðu notað ljósabekki einu sinni eða oftar á síðustu 12 mánuðum er nú komið niður í um 6%, miðað við 11% í fyrra. Hlutfallið hefur ekki verið lægra frá því að kannanir hófust árið 2004.
Geislavarnir ríkisins skiluðu skýrslu Íslands til 7. rýnifundar Joint Convention samningsins 27. október sl. Aðildarríki alþjóðasáttmálans skila slíkum skýrslum 3. hvert ár og eru þær rýndar af aðildarríkjum samningsins, sem nú eru orðin 83 talsins.