AMAP á ráðherrafundi Norðurskautsráðs

Á ráðherrafundi Norðurskautsráðsins sem nú stendur yfir í Reykjavík er m.a. starf sérfræðingahóps AMAP kynnt fundargestum. AMAP stendur fyrir Arctic Monitoring and Assessment Programme, en Geislavarnir hafa um árabil átt fulltrúa í þeim hópi og m.a. lagt fram vöktunargögn sem stofnunin aflar. Meðal afurða hópsins eru matsskýrslur um ástand náttúru á Norðurslóðum og nú er í fullum gangi vinna við öflun og greiningu gagna fyrir nýja matsskýrslu sem gefin verður út árið 2023.