Með vorinu hækkar sól á lofti og eykst þá styrkur útfjólublárrar geislunar frá sólu. Því er rétt að minna fólk á að varast að hafa húðina óvarða úti í sólinni lengur en í skamma stund. Við minnum sérstaklega á börnin í þessu sambandi en sólbruni veldur húðskemmdum sem geta leitt til húðkrabbameins síðar á ævinni.
Ætla má að óvenju margir séu útivið þessa dagana, ekki síst þeir fjölmörgu sem ganga að gosstöðvum á Reykjanesi. Rétt er að minna fólk á að varast að hafa húðina óvarða úti í sólinni lengur en í skamma stund. Á vef Geislavarna ríkisins má fylgjast með því hvernig svokallaður UV-stuðull fer nú hækkandi með hverjum degi hér á landi.
Um þessar mundir er styrkur útfjólublárrar geislunar frá sólu í hámarki á Íslandi. Við minnum fólk á að verja sig gegn geislun sólar, t.d. með flíkum, sitja í skugga, nota sólarvörn og takmarka þann tíma sem fólk er óvarið í sól. Minna má sérstaklega á börnin í þessu sambandi.
Með vorinu hækkar sól á lofti og eykst þá styrkur útfjólublárrar geislunar frá sólu. Á vef Geislavarna ríkisins má fylgjast með spá um reiknaðan UV-stuðul dagsins.
Ný könnun sýnir að frá árinu 2004 hefur dregið mjög verulega úr notkun ljósabekkja. Árið 2004 höfðu um 30% fullorðinna notað ljósabekki í einhverjum mæli síðustu 12 mánuði, en frá árinu 2013 hefur þessi tala verið um 10% og virðist fara lækkandi.
Þótt sumarið láti bíða eftir sér hér á landi, er rétt að minna ferðalanga á að fara varlega í sólinni. Sjálfsagt er að njóta sólargeislanna en engu að síður er nauðsynlegt að verja húðina. Þetta á sér í lagi við um þá sem hafa viðkvæma húð. Gæta skal að því að vera ekki lengi óvarinn í sól og skýla sér með klæðnaði eða sólarvörn til að forðast sólbruna. Þetta er sérstaklega mikilvægt þegar börn eiga í hlut.
Páskar eru nú óvenju seint á árinu og þess vegna er sól hærra á lofti en oft áður um páska. Sólargeislarnir eru sterkari og því ástæða til að minna á notkun sólgleraugna og sólarvarnar. Geislavarnir minna á skaðsemi útfjólublárrar geislunar og benda á fræðsluefni þar um.
Þann 11. maí síðastliðinn birtist frétt á vef Krabbameinsfélagins þar sem fram kemur meðal annars að maí er alþjóðlegur árveknimánuður gegn sortuæxlum. Fréttina er að finna hér. Geislavarnir hafa einnig birt fræðsluefni um hættuna sem fylgir sólargeislum. Það má finna hér.
Nú er að koma sá árstími þegar Íslendingar þurfa að gæta þess að brenna ekki á sólríkum dögum. Geislavarnir ríkisins birta daglega tölur um styrk útfjólublárrar geislunar á Íslandi á slóðinni uv.gr.is. Mestan hluta ársins er sól of lágt á lofti til að hætta sé á að fólk sólbrenni. Í lok apríl má búast við að styrkur útfjólublárrar geislunar (UV-index) fari í 3 og hækki síðan í 4–5 yfir sumarmánuðina.
Frá árinu 2004 hefur notkun Íslendinga á ljósabekkjum verið könnuð árlega með síma- og netkönnunum. Í fyrra sögðust 11% aðspurðra hafa notað ljósbekki en 12% nú sem er nánast sama talan.