Rafsegulsvið við spennistöðvar

Geislavarnir ríkisins hafa gefið út skýrslu um mælingar á rafsegulsviði við spennistöðvar í þéttbýli. Sumir hafa áhyggjur af nábýli við spennistöðvar og sumarið 2020 gerðu Geislavarnir tímabundið átak í því að fjölga enn mælingum við spennistöðvar til að auka heildaryfirsýn. Í skýrslunni er lýst aðferð, mæibúnaði og mæligildum sem fengust. Niðurstöður mælinganna benda til þess að spennistöðvar valdi engri eða mjög lítilli hækkun á styrk segulsviðs í íbúðarhúsnæði, sé það staðsett í að lágmarki nokkurra metra fjarlægð frá spennistöð, enda lækkar styrkur rafsegulsviðsins hratt með fjarlægð.