Ljósabekkjanotkun á Íslandi óbreytt á milli ára

Árlegri könnun á notkun ljósabekkja á Íslandi er nýlega lokið. Könnunin er framkvæmd af Gallup fyrir hönd samstarfshóps Geislavarna, Embættis Landlæknis, húðlækna og Krabbameinsfélagsins. Niðurstöðurnar sýndu að um 11% fullorðinna höfðu notað ljósabekki einu sinni eða oftar á síðustu 12 mánuðum, en ekki reyndist vera marktækur munur á ljósabekkjanotkuninni á milli ára. Könnunin hefur verið framkvæmd árlega frá árinu 2004. Á þessu tímabili hefur dregið mjög verulega úr notkun ljósabekkja. Fólki er ráðlagt að nota ljósabekki ekki vegna aukinnar hættu á húðkrabbameini.

Sólin í sumarfríinu

Um þessar mundir er útfjólublár styrkur sólargeislunar í hámarki á Íslandi en það er svokallaðar UV-stuðull sem segir okkur til um styrk útfjólublárrar geislunar frá sólu. UV-stuðullinn er ekki aðeins breytilegur eftir árstíma heldur einnig yfir daginn og nær hann hámarki í kringum hálf tvö á daginn. Sé UV-stuðullinn 3 eða hærri þá er þörf á að verja sig fyrir geislum sólar. Sé stuðullinn 2 eða hærri þá getur verið þörf á sólarvörn ef verið er lengi úti í sólinni eða ef um viðkvæma húð er ræða. Daglega eru birtar tölur um áætlaðan styrk útfjólublárrar geislunar á Íslandi á vef Geislavarna á slóðinni uv.gr.is.

2019-07-22T23:54:59+00:0022.07.2019|Tags: , |0 Comments

Sól og UV geislun

Undanfarnar vikur hafa víða verið sólríkar og Veðurstofan spáir áframhaldandi sólskini um nánast allt land. Því er ekki úr vegi að minna á mikilvægi þess að forðast of mikla sól. Sólbruni veldur húðskemmdum sem geta leitt til húðkrabbameins síðar á ævinni. 

2019-06-24T16:09:06+00:0013.06.2019|Tags: , |0 Comments

Styrkur útfjólublárrar geislunar hækkar með hækkandi sól

Nú er kominn sá árstími þegar Íslendingar þurfa að gæta þess að brenna ekki á sólríkum dögum þar sem að styrkur útfjólublárrar geislunar hækkar með hækkandi sól. Undanfarna daga hefur styrkur útfjólublárrar geislunar (UV-stuðull) á Íslandi farið upp fyrir 3 og gera má ráð fyrir áframhaldandi hækkun, m.a. á sumardaginn fyrsta sem að Veðurstofan spáir að verði sólríkur þetta árið. Sé UV-stuðullinn 3 eða hærri þá er þörf á sólarvörn. Sé stuðullinn 2 eða hærri þá getur verið þörf á sólarvörn ef verið er lengi úti í sólinni eða ef um viðkvæma húð er ræða.

2019-04-24T16:32:26+00:0024.04.2019|Tags: , |0 Comments

Varist sólbruna

Þótt sumarið láti bíða eftir sér hér á landi, er rétt að minna ferðalanga á að fara varlega í sólinni. Sjálfsagt er að njóta sólargeislanna en engu að síður er nauðsynlegt að verja húðina. Þetta á sér í lagi við um þá sem hafa viðkvæma húð. Gæta skal að því að vera ekki lengi óvarinn í sól og skýla sér með klæðnaði eða sólarvörn til að forðast sólbruna. Þetta er sérstaklega mikilvægt þegar börn eiga í hlut.

2018-05-31T13:24:20+00:0031.05.2018|Tags: , |0 Comments

Útfjólublá geislun sólar á árinu 2015 hefur ekki verið mikil hingað til

Á vef Geislavarna er fylgst með reiknuðum styrk útfjólublárrar geislunar yfir Reykjavík og Egilsstöðum (sjá uv.gr.is). Nú, þegar sól er tekin að lækka á lofti hefur UV-stuðullinn aðeins einu sinni farið í 6. Það gerðist 19. júní á 100 ára afmæli kosningaréttar kvenna. Sá dagur var ekki mjög sólríkur og líklega hafa fáir á íslandi orðið varir við að geislunin væri sterkari en vanalega (UV-stuðull 5 er venjulegur).

2016-11-04T07:24:01+00:0024.06.2015|Tags: , , , |Slökkt á athugasemdum við Útfjólublá geislun sólar á árinu 2015 hefur ekki verið mikil hingað til

Áhugaverð frétt á vef Krabbameinsfélagsins

Þann 11. maí síðastliðinn birtist frétt á vef Krabbameinsfélagins þar sem fram kemur meðal annars að maí er alþjóðlegur árveknimánuður gegn sortuæxlum. Fréttina er að finna hér. Geislavarnir hafa einnig birt fræðsluefni um hættuna sem fylgir sólargeislum. Það má finna hér.

2016-11-04T07:24:03+00:0013.05.2015|Tags: , , , , |Slökkt á athugasemdum við Áhugaverð frétt á vef Krabbameinsfélagsins
Load More Posts