Með vorinu hækkar sól á lofti og eykst þá styrkur útfjólublárrar geislunar frá sólu. Því er rétt að minna fólk á að varast að hafa húðina óvarða úti í sólinni lengur en í skamma stund. Við minnum sérstaklega á börnin í þessu sambandi en sólbruni veldur húðskemmdum sem geta leitt til húðkrabbameins síðar á ævinni.
Á ráðherrafundi Norðurskautsráðsins sem nú stendur yfir í Reykjavík er m.a. starf sérfræðingahóps AMAP kynnt fundargestum. AMAP stendur fyrir Arctic Monitoring and Assessment Programme, en Geislavarnir hafa um árabil átt fulltrúa í þeim hópi og m.a. lagt fram vöktunargögn sem stofnunin aflar. Meðal afurða hópsins eru matsskýrslur um ástand náttúru á Norðurslóðum og nú er í fullum gangi vinna við öflun og greiningu gagna fyrir nýja matsskýrslu sem gefin verður út árið 2023.
AMAP (Arctic Monitoring and Assessment Programme) er vinnuhópur vísindamanna sem starfar á vegum Norðurskautsráðsins. Hlutverk hans er að veita upplýsingar um ástand náttúru á Norðurskautssvæði og ógnir sem að henni steðja, sem og að veita stjórnvöldum ráðgjöf á vísindalegum grunni um aðgerðir til verndunar og forvarna í tengslum við mengun og varnir gegn áhrifum loftslagsbreytinga.
Viðbúnaður Í lögum um geislavarnir segir m.a. að Geislavarnir ríkisins skuli annast „geislunarlegan þátt viðbúnaðar við hvers kyns geislavá, m.a. greiningu á ógn af hennar völdum, samhæfingu viðbúnaðar við alþjóðleg viðmið, rekstur viðbúnaðar- og geislamælikerfa og annað því tengt“. Þessu hlutverki sinna Geislavarnir með uppbyggingu og viðhaldi hæfni á sviði viðbúnaðar. Þá segir
Gefin hefur verið út ný skýrsla á vef Geislavarna: Vöktunarmælingar Geislavarna ríkisins 2013 og 2014 / Radioactivity in the environment and food in Iceland 2013 and 2014. Í henni eru teknar saman niðurstöður reglubundinna mælinga Geislavarna ríkisins á styrk geislavirks sesíns í andrúmslofti, úrkomu, mjólk, lambakjöti, sjó, fiski, þangi ofl. umrædd ár. Einnig eru í skýrslunni birt myndrit sem sýna allviðamiklið yfirlit yfir vöktunarmælingar stofnunarinnar allt frá 1986 og má þar greina hve styrkur Cs-137 í nokkrum flokkum sýna hefur lækkað frá upphafi mælinga.
Geislavarnir ríkisins hafa með höndum vöktunarmælingar á geislavirkum efnum í matvælum og umhverfi og fylgjast þannig stöðugt með því að styrkur þeirra sé innan eðlilegra marka. Niðurstöður mælinganna má nálgast í skýrslum á vef stofnunarinnar. Vöktun Geislavarna ríkisins á geislavirkum efnum í matvælum og umhverfi hófst árið 1990. Sumarið 1989 fékk stofnunin tækjabúnað frá Alþjóðakjarnorkumálastofnuninni
Nýútgefin skýrsla um niðurstöður vöktunarmælinga Geislavarna ríkisins á styrk geislavirks sesíns í andrúmslofti, úrkomu, mjólk, lambakjöti, sjó, fiski, þangi ofl. á árinu 2012 hefur verið birt á vef stofnunarinnar.
Vikuna 5.-9. ágúst sl. stóðu Geislavarnir ríkisins fyrir námskeiði í samvinnu við CTBTO (Comprehensive Nuclear-Test-Ban Treaty Organisation) til að efla þekkingu og viðhalda tæknilegri færni þeirra sem sinna rekstri eftirlitsstöðva alþjóðasáttmálans um allsherjarbann við kjarnorkutilraunum. Í þessu skyni komu til Íslands tæknimenn frá mælistöðvum sem hafa sambærilegan tækjabúnað og er í mælistöð Geislavarna ríkisins en
Geislavarnir hafa gefið út skýrslu sem Dr. Sigurður Örn Stefánsson skrifaði um gammagreiningartækni, þegar hann vann hjá stofnuninni eitt sumar á námsárum sínum við Háskóla Íslands fyrir tæpum áratug. Geislavarnir ríkisins gáfu ekki út skýrslur á þeim tíma. Efni skýrslunnar stendur þó enn fyrir sínu og stofnuninni finnst rétt að gefa skýrsluna út, enda hefur vaxandi áhersla verið á gammagreiningartækni hjá stofnuninni. Ennfremur er það stefna stofnunarinnar að gera sýnilegan góðan afrakstur vinnu námsmanna í tímabundinni vinnu.
Geislavarnir ríkisins hafa birt skýrslu með niðurstöðum mælinga stofnunarinnar á styrk geislavirks sesíns í andrúmslofti, úrkomu, mjólk, lambakjöti, sjó, fiski, þangi ofl. á árinu 2011. Styrkur efnisins er í öllum tilvikum langt neðan þeirra marka sem miðað er við í milliríkjaviðskiptum með matvæli.