Í fréttatilkynningu finnsku geislavarnastofnunarinnar, STUK er sagt að þótt vísindaniðurstöður hafi ekki sýnt heilsufarsleg áhrif af notkun farsíma  sé varúðar þörf  varðandi notkun barna á farsímum.  

Helsta röksemdin er að ekki verði hægt að meta langtímaáhrif af notkun farsíma fyrr en eftir nokkurra áratuga notkun. Vísað er í  lengri greinargerð um farsímanotkun.

STUK leggur til að notkun barna á farsímum sé takmörkuð á eftirfarandi hátt:

  • Textaskilaboð séu notuð í auknum mæli
  • Foreldrar takmarki lengd og  fjölda símtala
  • Mælt er með handfrjálsum búnaði
  • Forðast beri að tala í farsíma þar sem samband er slæmt eða í bíl á ferð.

STUK telur ekki rétt að banna notkun barna á farsímum með öllu þar sem þeir auka öryggi  með því að auðvelda samskipti barns við foreldri.

barn_med_sima

Norrænar geislavarnastofnanir hafa með sér náið samstarf.  Á árinu 2009 er starfandi starfshópur sem vinnur að því að semja norræna álitsgerð um veik rafsegulsvið.  Finnska greinargerðin sem hér var sagt frá er meðal þeirra gagna sem rædd verða .

Fréttatilkynning á ensku:

http://www.stuk.fi/stuk/tiedotteet/en_GB/news_527/

Ítarlegri umfjöllun á sænsku:

http://www.stuk.fi/sateilytietoa/sateilyn_terveysvaikutukset/matkapuhelin_terveysvaikutus/sv_FI/stukin_matkapuhelinkannanotto/