Varað við ljósabekkjanotkun fermingarbarna

Nú er að hefjast átak sem beinist að fermingarbörnum og foreldrum eða forráðamönnum þeirra þar sem bent er á hættuna sem fylgir því að ungt fólk fari í ljósabekki. Skilaboðin eru frá Félagi íslenskra húðlækna, Geislavörnum ríkisins, Krabbameinsfélaginu, Landlæknisembættinu og Lýðheilsustöð. Þetta er fimmta árið sem þessir aðilar standa saman að fræðsluherferð undir slagorðinu „Hættan er ljós“.

Vakin er athygli á því að börn og unglingar séu næmari en aðrir fyrir skaðlegum áhrifum geislunar frá ljósabekkjum og sól. Tíðni húðkrabbameins hefur aukist mikið á síðustu árum, einkum tíðni svonefndra sortuæxla, en þau eru alvarlegasta tegund húðkrabbameins og algengasta tegund krabbameins hjá konum á aldrinum frá 15 til 34 ára. Foreldrar og forráðamenn fermingarbarna eru hvattir til að hafa í huga tilmæli alþjóðastofnana um að börn og unglingar fari ekki í ljósabekki. Leitað verður til presta landsins um að leggja málefninu lið, eins og undanfarin ár.

Í kjölfar fræðsluherferðanna síðustu ár hefur dregið úr ljósabekkjanotkun ungs fólks og nokkrar sveitarstjórnir hafa hætt að bjóða upp á sólböð í ljósabekkjum í íþróttamannvirkjum sínum. Með herferðinni nú er stefnt að því að draga enn frekar úr ljósabekkjanotkuninni með því að minna á hættuna.

Samkvæmt upplýsingum frá Krabbameinsskrá Krabbameinsfélagsins greinast að meðaltali um 50 manns á ári með sortuæxli í húð, rúmlega 50 með önnur húðæxli og um 220 manns með svonefnd grunnfrumuæxli í húð. Tíðni húðæxla í heild hefur tvöfaldast á síðustu tíu árum. Ár hvert deyja að meðaltali átta Íslendingar úr sortuæxlum í húð.

Fræðsluefni
Grein úr Heilbrigðismálum 1/2007 eftir Bárð Sigurgeirsson og Jón Hjaltalín Ólafsson.

Húðkrabbamein og fæðingarblettir (fræðslurit).

Netfréttir
Hjúkrunarfræðingar í Árbæ vara við ljósabekkjum. 22.02.2008.

Ungt fólk sem fer í ljós er í aukinni hættu að fá krabbamein. 05.03.2007.

Evrópsk yfirvöld vara við ljósabekkjum. 07.07.2006.

Eldri fréttir
Varað við ljósabekkjanotkun fermingarbarna. 14. mars 2006.

Ljósabekkjanotkun unglinga hefur minnkað mikið. 8. maí 2005.

Krabbameinsfélag Hafnarfjarðar bendir á hættu af ljósabekkjum. 15. apríl 2005.

Póstkort til foreldra. 2. mars 2005.

Norrænar geislavarnastofnanir vara fólk við að fara í ljós. 28. febrúar 2005.

Fjórði hver unglingur fór í ljós síðasta árið. 1. apríl 2004.

Varað við því að fermingarbörn fari í ljós. 10. mars 2004.

Ýmis gögn
Veggspjald 2006 (pdf).

Póstkort 2006 (pdf).

 

 

20080229Haettanerljos