Í nóvember verða tvö námskeið á vegum Geislavarna fyrir ábyrgðarmenn geislatækja og tæknimenn sem annast uppsetningar og viðgerðir á geislatækjum.

Námskeið fyrir ábyrgðarmenn og tæknimenn skermaðra geislatækja sem notuð eru við farangursskoðun og leit, gæðaeftirlit, framleiðslustýringu, efnagreiningu og efnisprófanir verður haldið þann 6. nóvember, en námskeið fyrir ábyrgðarmenn og tæknimenn sem tengjast notkun geislatækja í læknisfræðilegum tilgangi verður þann 13. nóvember.

Geislavarnir ríkisins gera kröfu til allra ábyrgðarmanna geislatækja að þeir sæki námskeið stofnunarinnar og er það ein af þeim ráðstöfunum sem gerðar eru til að tryggja örugga notkun.  Ábyrgðarmenn gegna því mikilvæga hlutverki að tryggja að starfsemin sé í samræmi við gildandi lög, reglugerðir og reglur settar samkvæmt þeim.

Þá gera Geislavarna ríkisins einnig kröfu til þeirra sem annast uppsetningu, viðhald og viðgerðir á geislatækjum, að þeir hafi viðeigandi þekkingu og reynslu og viðurkenningu frá stofnuninni.  Til þess að hljóta þá viðurkenningu þurfa tæknimenn meðal annars að sækja námskeið eins og hér um ræðir.

Skráning og nánari upplýsingar eru á vef Geislavarna: https://gr.is/namskeid/