Námskeið á vegum Geislavarna ríkisins

Geislavarnir ríkisins (GR) halda reglulega námskeið fyrir ábyrgðarmenn geislatækja og geislavirkra efna. Miðað er við að nýir ábyrgðarmenn vegna notkunar geislatækja og geislavirkra efna í læknisfræði sæki slíkt námskeið a.m.k. einu sinni og það sama gildir um ábyrgðarmenn skermaðra röntgentækja og lokaðra geislalinda í iðnaði.  

Kröfur til menntunar, þekkingar og reynslu ábyrgðarmanna taka mið af leiðbeiningum Evrópusambandsins, Alþjóðageislavarnaráðsins og Alþjóðakjarnorkumálastofnunarinnar, sjá nánar í leiðbeiningar GR19:05 Kröfur til ábyrgðarmanna vegna notkunar geislatækja og geislavirkra efna.  

Einnig er miðað við að tæknimenn sem setja upp og gera við röntgentæki eða tæki sem innihalda geislalindir sæki námskeið stofnunarinnar.  

Frá og með hausti 2021 verður námskeiðið Ábyrgðarmenn og tæknimenn: Skermuð geislatæki fjarnámskeið að hluta.