Ábyrgðarmenn og tæknimenn; röntgentæki í læknisfræði 

Á námskeiði fyrir tæknimenn og ábyrgðarmenn vegna röntgentækja í læknisfræði eru efnistök í stórum dráttum eftirfarandi: 

Grundvallarleiðbeiningar Alþjóðageislavarnaráðsins í samhengi við læknisfræðilega notkun.  Íslenskt og alþjóðlegt lagaumhverfi; hlutverk leyfishafa, ábyrgðarmanna, tæknimanna og notenda.  Kröfur til búnaðar og aðstöðu.  Mat á áhættu vegna geislunar, landsviðmið um geislaálag sjúklinga og eftirlit með geislaálagi starfsmanna. Geislamælibúnaður og gæðaeftirlit með röntgentækjum, aðferðum og geislaálagi.  Áherslur á starfsemi Geislavarna ríkisins hverju sinni. 

Efni námskeiða er enn fremur lagað að þátttakendum hverju sinni, enda getur verið um breiðan hóp að ræða.   

Að námskeiði loknu eiga þátttakendur að þekkja: 

  • lög og reglugerðir um geislavarnir  
  • skyldur sínar  
  • kröfur til geislatækja, gæðaeftirlits og aðstöðu 
  • leiðir til að leggja mat á geislaálag sjúklinga í einstökum rannsóknum
  • áherslur Geislavarna ríkisins varðandi þá starfsemi sem þeir tengjast

Lengd námskeiðs er um 5 klukkustundir