Aðeins 13% Íslendinga eldri en 18 ára sögðust nota ljósabekki samkvæmt nýrri könnun Capacent.

Frá árinu 2004 hefur notkun Íslendinga á ljósabekkjum verið könnuð árlega með síma- og netkönnunum. Þessar kannanir hafa verið gerðar að vori og hafa miðað við 16 ára og eldri. Á þessu árið hefur verið miðað við 18 ára og eldri og spurt var bæði að vori og hausti. Í vor sögðust  15% hafa notað ljósabekki síðustu 12 mánuði en nú í haust var hlutfallið aðeins 13%.

 

Niðurstöður úr könnunum undanfarinna ára koma fram á meðfylgjandi grafi:

hlutfallhaust2012

Allar tölur eru frá vori viðkomandi árs nema síðasta talan er frá hausti 2012.

 

Samkvæmt könnunum fyrri ára virðist notkun Íslendinga á ljósabekkjum hafa verið meiri en hjá flestum öðrum þjóðum. Hugsanlega er að verða breyting á því nú, samanber að árið 2008 sögðust 18,5% Svía hafa notað ljósabekk síðustu 12 mánuði. Kannanir sem gerðar hafa verið í Svíþjóð 2005-2008 miða einnig við 18 ára og eldri. Sjá:

http://www.stralsakerhetsmyndigheten.se/Global/Publikationer/Rapport/Stralskydd/2009/SSM-Rapport-2009-11.pdf

 

Eins og í vor sögðust aðeins um 1% þátttakenda fara oftar en mánaðarlega í ljós, sjá frétt 5. maí, sjá frétt Geislavarna ríkisins frá 5. maí: /frettir/nr/525

 

Unnið er að könnun meðal íslenskra ungmenna  á aldrinum 12-23 ára og er von á niðurstöðum næstu vikur.

ÞS