Heilbrigðisráð Hollands (Health Council of the Netherlands) sendi í gær frá sér samantekt á ensku þar sem farið er yfir svar ráðsins við fyrirspurn frá neðri deild hollenska þingsins um áhrif 5G á heilsu.

Ráðið getur af ýmsum orsökum ekki svarað fyrirspurninni afdráttarlaust, en kannaði hvort einhverjar vísbendingar væri að finna um óæskileg áhrif rafsegulgeislunar á fyrirhuguðu orkusviði 5G kerfisins. Í frétt sem birt var í gær segir að ekki hafi verið sýnt fram á né þyki það líklegt, að 5G tæknin geti haft áhrif á heilsu fólks. Þó sé, út frá vísindalegum sjónarhóli, heldur ekki hægt að útiloka slíkt með öllu. Er hvatt til frekari rannsókna.